Gado'r Fainc
O fonwes plwyf Trawsfynydd—ehedodd
Yn ddidwrf fel hwyrddydd;
Tros y melyn ewyn aur
I lannau'r ardal lonydd.
Gw^r ydoedd a fu'n garedig—wrth bawb
Hyd borth y bedd unig;
Nef ei oes oedd mwyn fiwsig
Awel gwawr ar lasddail gwig.
Hen gyfaill, hawdd ei gofio—a'i eirf oll
Ar ei fainc yn gweithio;
Ar hyd ei ddydd rhodiodd o
Yn deg, onest, digwyno.
Ar fin ei ddidwrf annedd—awelon
Gânt wylo'u melodedd;
A'u cân fel cwyn rhianedd
Ar ei fud ddigynnwrf fedd.
|
Dyn Da
Hedd a phreiddiau y ffriddoedd—a garodd,
Ac erwau y cymoedd;
Un didwyll fel ffrind ydoedd,
A rhosyn aur Seion oedd
.Sant Ieuanc
Oer ing ni welodd erioed—na gwrid haf
Ar gwr dôl a glasgoed;
At leng y nef ieuengoed
Aeth yn sant deng wythnos oed.
Marw yn Hen
Wedi oes bur naturiol—hyd henaint
Dianaf a swynol,
Mewn gwisg wen aeth adre'n ôl
I fore'r byd anfarwol. |
